【淨除業障百咒功德】099.ཡིག་བརྒྱ། 百字明

 

ལས་སྒྲིབ་རྒྱུན་གཅོད་ཀྱི་སྔགས་བརྒྱ་པ་བཞུགས་སོ།། 
ཡིད་བཞིན་ནོར་བུ་ཆེན་པོ་འདི་ཁོ་ནའོ།།

淨除業障百咒功德

ཀུན་མཁྱེན་མི་ཕམ་རིན་པོ་ཆེས།
麦彭仁波切·著
མཁན་པོ་བསོད་དར་རྒྱས་ཀྱིས་བསྒྱུར།
索達吉堪布·翻譯

སྔ་འགྱུར་གྱི་ཆོས་སྡེ་ཆེན་པོ་དྲི་མེད་རྒྱལ་པོ་བཤགས་པའི་རྒྱུད་ལས་དཔལ་རྡོ་རྗེ་སེམས་དཔའི་ཞལ་ནས། བདག་གིས་ཀྱང་བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་ཡང་སྙིང་། ཉམས་ཆག་དང་རྟོག་སྒྲིབ་ཐམས་ཅད་སེལ་བར་བྱེད་པ་འདི་བརྗོད་ཀྱི། རྣལ་འབྱོར་པ་ཉམས་ཆག་དང་རྟོག་སྒྲིབ་ཅན་གསོག་འཇོག་དང་བག་ཆགས་ངན་པ་ཅན་ཁྱེད་རྣམས་ཉོན་ཅིག 

前譯大法部《無垢王懺悔續》中金剛薩埵親言：“我亦持誦一切善逝之意精華，能遺除一切失戒與分別妄念障礙之此咒，具有失戒瑜伽與分別妄念障礙積蓄惡習之汝等諦聽：

ཨོཾ་བཛྲ་སཏྭ་ས་མ་ཡ་མ་ནུ་པཱ་ལ་ཡ། བཛྲ་ས་ཏྭ་ཏྭེ་ནོ་པ་ཏིཥྛ་དྲྀ་ཌྷོ་མེ་བྷ་ཝ། སུ་ཏོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སུ་པོ་ཥྱོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཿ  ཀུ་རུ་ཧཱུྃ། ཧ་ཧ་ཧ་ཧ་ཧོ། བྷ་ག་ཝཱན། སརྦ་ཏ་ཐཱ་ག་ཏ། བཛྲ་མ་མེ་མུཉྩ། བཛྲཱི་བྷ་ཝ་མ་ཧཱ་ས་མ་ཡ་སཏྭ་ཨཱ།

嗡 班則 薩埵 薩瑪雅 瑪訥 巴拉雅 班則 薩埵 底耨巴 德叉 哲晝 美巴瓦 色多 卡約 美巴瓦 阿訥 Ra多 美巴瓦 色波 卡約 美巴瓦 薩瓦 斯德 瑪美 匝雅札 薩瓦 嘎瑪 色匝美 則當 西日雅 革熱吽 哈哈哈哈火 巴嘎萬 薩瓦 達塔 嘎達 班則 瑪美 莫札 班則 巴瓦 瑪哈 薩瑪雅 薩埵阿

འདི་དག་དུས་གཅིག་ལ་ལན་བརྒྱ་རྩ་བརྒྱད་བཟླས་ན་ཉམས་ཆག་ཐམས་ཅད་བསྐངས་ཏེ་ངན་སོང་གསུམ་དུ་ལྟུང་བ་ལས་ཐར་བར་འགྱུར་རོ།། རྣལ་འབྱོར་པ་གང་ཞིག་གི་ཡི་དམ་དུ་བཅས་ནས་འདོན་ན། མི་དེ་ཚེ་འདི་ལ་དུས་གསུམ་གྱི་སངས་རྒྱས་ཐམས་ཅད་ཀྱི་སྲས་ཀྱི་དམ་པར་དགོངས་ནས་སྲུང་སྐྱོབ་མཛད་ལ། ཚེ་འཕོས་ནས་ཀྱང་བདེ་བར་གཤེགས་པ་རྣམས་ཀྱི་སྲས་ཀྱི་དམ་པ་ཉིད་དུ་གདོན་མི་ཟ་བར་འགྱུར་རོ།། ཞེས་གསུངས་ཤིང་།

若一時間能念話此等咒語一百零八通，則能酬補一切所失之戒，擺脫墮三惡趣。若具任何瑜伽本尊而誦，則彼人即生中蒙受三世諸佛聖子垂念、護佑，死後亦無疑成為諸善逝之聖子。〞

རྟ་མཆོག་རོལ་པའི་རྒྱུད་ལས། གསང་སྔགས་རྒྱལ་པོ་བླ་མེད་པ།། ལན་གཅིག་བརྗོད་པ་ཙམ་གྱིས་ཀྱང་།། སྡིག་པ་མ་ལུས་ཟད་བྱེད་ཅིང་།། ལས་རྣམས་ཐམས་ཅད་འགྲུབ་པར་བྱེད།། ཅེས་དང་། དབང་མཆོག་རྒྱལ་པོའི་རྒྱུད་ལས་ཀྱང་།། རྡོ་རྗེ་སེམས་དཔས་འདི་སྐད་གསུངས།། མཚམས་མེད་ཉེས་བྱས་རྣམ་སྨིན་བྱང་།། གསང་སྔགས་དམ་ཚིག་སོ་རུ་ཆུད།། མི་དགེ་ཕལ་པ་སྨོས་ཅི་དགོས།། གང་ཞིག་ནད་ཀྱིས་ཉེན་གྱུར་ཀྱང་།། སྡུག་བསྔལ་དེ་ལས་ངེས་པར་གྲོལ།། འགོ་བའི་ནད་རིམས་བྱུང་བའི་ཚེ།། བདག་ཉིད་ཡི་དམ་གསལ་བ་ཡིས།། སྙིང་པོ་འདི་བརྗོད་དེས་མི་ཚུགས།།

《勝馬游舞續》中云："無上密咒王，僅一次念通，亦滅一切罪，成辦諸事業。”

《殊勝灌頂王續》中亦云：“金剛薩埵說此語，清淨無間罪異熟，恢復密宗之暫言，一般不善何須說？何者為病所折磨，亦定脫離彼痛苦，傳染瘟疫出現時，自己明觀為本尊，通此心咒不受害。

གང་ཞིག་ངན་སྔགས་མཚོན་བརྡེག་ཀྱང་།། སྙིང་པོ་འདི་བརྗོད་རང་ལ་ལྡོག། དོན་གཉེར་ལམ་འགྲོ་འདི་བརྗོད་ན།། འཇིགས་པའི་དགྲ་ལས་ངེས་པར་གྲོལ།། གདོན་འཇིགས་བགེགས་ཀྱིས་འཚེ་བའི་ཕྱིར།། རིག་པ་འདི་བརྗོད་གདོན་དེ་འཇིལ།། སེམས་ཅན་གང་ཞིག་བུ་འདོད་ཀྱང་།། རིག་པ་འདི་ལས་རབས་དེ་ཟིན།། ཉོན་མོངས་དབུལ་ཞིང་ཕོངས་པས་ཀྱང་།། སྙིང་པོ་འདི་བརྗོད་རིན་ཆེན་རྙེད།། གང་ཞིག་འཁོར་སྡུད་འདི་བརྗོད་ན།། སྲིད་པ་གསུམ་ཡང་འཁོར་དུ་འདུ།།

何者受悉咒刃擊，持誦此咒反回己。求義啟程誦此咒，必定脫離畏懼聲。魔障畏障損害時，誦此明咒彼魔逃，任何有情雖求子，依此明咒傳宗代，遭受煩惱貧困者，念誦此咒得珍寶，何者攝眷若誦此，三有亦集為眷屬。

ཕྲིན་ལས་རྣམ་བཞི་ངེས་པར་འགྲུབ།། ཉམས་གྲིབ་ཐམས་ཅད་འདག་བྱེད་པའི།། ཡི་གེ་བརྒྱ་པ་བདག་གིས་བརྗོད།། ཆགས་ཉམས་ཐམས་ཅད་འདི་ཡིས་བསྐང་།། ངན་སོང་དོང་སྤྲུགས་འདི་བརྗོད་དོ།། འདི་ནི་དུས་ལ་བབ་པའི་ཚེ།། གསུམ་མམ་བདུན་ནམ་བཅུ་བཞིའམ།། ཉི་ཤུ་རྩ་གཅིག་བརྒྱ་རྩ་བརྒྱད།། ལྟ་སྒོམ་གསལ་བས་བརྗོད་བྱས་ན།།ཆགས་ཉམས་ཐམས་ཅད་སྐོང་བར་བྱེད།། ངན་སོང་གསུམ་ལས་ཐར་བར་འགྱུར།། ཡི་དམ་དག་ཏུ་འདི་བརྗོད་ན།། དུས་གསུམ་རྒྱལ་བའི་སྲས་སུ་འགྱུར།། ཞེས་གསུངས་སོ།།

四種事業定成就。自己持通能清淨，冒犯晦氣百字明，依此酬補諸失戒，根除惡趣誦此咒。若於時機成熟時，明觀見修誦此咒，三七十四二十一，抑或一百零八遍，則能酬補諸失戒，從三惡趣得解脫。觀想本尊誦此咒，成為三世佛之子。”

དེ་ཉིད་བསྡུས་པ་ལས་ཀྱང་གསང་སྔགས་འདི་གསུངས་ཏེ། དེས་ནི་མཚམས་མེད་བྱས་པ་དང་། དེ་བཞིན་གཤེགས་པ་ཐམས་ཅད་བསླུས་པ་དང་། དམ་པའི་ཆོས་ལ་སྨོད་པ་དང་། ཉེས་པ་ཐམས་ཅད་བྱས་པ་ཡང་། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་སྒྲུབ་པ་པོ་རྡོ་རྗེ་སེམས་དཔའ་བརྟེན་པར་བྱས་པས། ཚེ་འདི་ཉིད་ལ་འདོད་པའི་དངོས་གྲུབ་ཐམས་ཅད་དམ། དངོས་གྲུབ་མཆོག་གམ། རྡོ་རྗེའི་དངོས་གྲུབ་བམ། རྡོ་རྗེ་སེམས་དཔའི་དངོས་གྲུབ་བམ། དེ་བཞིན་གཤེགས་པའི་དངོས་གྲུབ་ཀྱི་བར་དུ་མྱུར་དུ་འགྲུབ་བོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔས་གསུངས་སོ།། ཞེས་གསུངས་སོ།།

在此略續中也宣說了此密咒：“依此咒即便是造無間罪、欺騙一切如來、詆毀正法及造所有罪業者，依靠一切如來的手印金剛薩埵，現世中能迅速成就一切所求的悉地，或者殊勝悉地、金剛悉地，或金剛薩埵悉地，或善逝之悉地。”這是出有壞如來金剛薩埵親口說的。

དེ་ལྟར་རྡོ་རྗེ་སེམས་དཔའི་ཡི་གེ་བརྒྱ་པ་འདི་ནི་རྒྱུད་དུ་མར་བྱུང་ཞིང་སྔགས་ཀྱི་དམ་ཚིག་ཉམས་པ་སོགས་ཉེས་པ་ལྕི་བ་རྣམས་ཀྱི་གཉེན་པོ་བླ་ན་མེད་པ། བརྗོད་པ་ཙམ་གྱི་སྔར་གྱི་སྡིག་པ་ཐམས་ཅད་ལྷག་མེད་དུ་བྱང་ཞིང་། ཕྱིས་འཕེལ་བའི་རྒྱུན་གཏན་དུ་འགོག་པར་བྱེད་ཅིང་དངོས་གྲུབ་ཐམས་ཅད་ཀྱི་མངའ་བདག་ཆེན་པོ་གསང་སྔགས་ཐམས་ཅད་ཀྱི་རྒྱལ་པོའོ།། སུ་པོ་ཥྱོ་སོགས། ཨ་ནུ་རཀྟོའི་གོང་དུ་བྱས་པའང་ཡོད་དེ་གང་ལྟར་བྱས་ཀྱང་ཁྱད་མེད་པར་མངོན་ནོ།།

金剛薩埵的這一百字明在許多續中都出現過，是破密乘誓言等所有重罪的無上對治法，僅僅念通，以前的一切罪業也會清淨無餘，以後增上的相續能永遠滅除，堪稱為一切悉地大主尊、一切密咒之王。也有將“色波卡約”等加在“阿訥Ra 多”前面的，無論如何都無有差別。

ཡེ་ཤེས་དྲི་མེད་ཀྱིས་བསྒྲིགས།

益西智麥編